TEMEKE BILA UCHAFU INAWEZEKANA.

MKUU WA WILAYA YA TEMEKE APOKEA MAPIPA ZAIDI YA 241 KWA AJILI YA KAMPENI YA “TEMEKE BILA UCHAFU INAWEZEKANA”

Mkuu wa Wilaya ya Temeke Mh Felix Lyaniva leo amepokea mapipa zaidi ya 241 kutoka katika kampuni ya Sigara TCC kwa ajili ya usafi wa Mazingira kupitia Kampeni ya “ Temeke bila Uchafu inawezekana” yenye kulenga kuweka Mazingira nadhifu katika Wilaya ya Temeke.

Mhe. Mkuu wa Wilaya ya Temeke Felix Lyaniva  mwenye suti nyeupe akiwa ameshika pipa akimkabidhi rasmi kaimu Mkurugenzi kwa ajili ya kuwakabidhi watendaji wa Kata na Mitaa tayari kwa matumizi.

Makabidhiano ya Mapipa au madumu  hayo ya taka yamefanyika katika viwanja vya TCC Chang’ombe Wilaya ya   Temeke Jijini Dar es Salaam, na kuhudhuriwa na timu ya Wafanyakazi wa TCC, Watendaji Kata na Mitaa,Kamati ya Ulinzi na Usalama ya Wilaya, Katibu Tawala Wilaya ya Temeke, Mkurugenzi wa Manispaa ,Wananchi  na baadhi ya wataalam wa Manispaa ya Temeke.

Akitoa taarifa mbele ya mgeni rasmi mwakilishi wa TCC Bi Neema alisema Kampuni ya Sigara TCC imekuwa mdau mkubwa wa maendeleo katika Mikoa mbalimbali yaTanzania ikisaidia makundi mbalimbali ya kijamii mfano walemavu,Wazee, Wajasiriamali,Wasanii,na Nyanja ya Mazingira.

Lakini siku ya leo TCC imeandaa mapipa 241 kwa ajili yaUstawishaji wa Mazingira kupitia kampeni ya “Temeke bila uchafu inawezekana”. Mapipa hayo yote ni salama kwa matumizi kwa kuwa awali yalikuwa yanatumika kwa ajili ya kuhifandhi gundi na gundi hiyo haina kemikali ambayo   inaweza kuathiri afya za jamii wakati wa matumizi ya kutupa taka.

“Tunakabidhi mapipa 241 tutaendelea kutoa mapipa 50 kila mwenzi kwa Wilaya ya Temeke hadi tutakapoona yamekidhi mahitaji ndipo sasa tutaenda katika Wilaya zingine za Mkoa wa Dar es Salaam, tunafanya hivyo kwa kuwa Kampuni ya TCC ipo Wilaya ya Temeke”, Alisema Bi Neema.

Aidha Mkuu wa Wilaya ya Temeke Mh Lyaniva wakati akikabidhiwa mapipa hayo amesema anaishukuru Kampuni ya Sigara TCC kwa kuamua kuunga mkono juhudi za usafi wa Mazingira katika Wilaya ya Temeke na kutoa rai kwa Makampuni mengine ndani ya Wilaya ya Temeke kuiga mfano wa TCC.

Mkuu wa Wilaya Temeke Mh Felix Lyaniva mwenye suti nyeupe akifurahia jambo baada ya kupokea mapipa 241 kutoka TCC katika viwanja vya TCC club Chang'ombe.

“Wilaya ya Temeke imejipanga katika kuboresha ustawi wa watu wake na nmna pekee ni kuhakikisha jamii ya Temeke inaishi katika mazingira nadhifu na salama yenye kuvutia,  ni wahakikishie TCC madumu mnayonikabidhi mimi na pokea lakini nakabidhi yote kwa watendaji wa Mitaa na Kata na bahati nzuri wote wapo hapa” alisema Mh Lyaniva.

Amehitimisha kwa kuwataka watu na wadau mabalimbali kuendelea kutunza mazingira kwa kuyaweka katika hali ya usafi na kupanda miti ya matunda ambayo itakuwa na faida zaidi ya moja pia ameitaka TCC kufufua eneo la TCC Club iwe sehemu nzuri ambayo wananchi watajipatia burudani na nyama choma, maagizo ambayo TCC wamekubali na kuhaidi kulifanyia kazi mapema iwezekanavyo .

# Temeke bila uchafu inawezekana.

UTALII WA NDANI UNAANZA NA WEWE.

Hii ni kauli ya Mkurugenzi wa Manispaa ya Temeke ndugu Lusubilo J Mwakabibi, aliyoitoa leo alipotembelea hifadhi ya wanyama ya Mikumi akiongozana na waheshimiwa Madiwani pamoja na timu ya watendaji wa Manispaa hiyo.

Mwakabibi alisema Watanzania tujifunze utamaduni wa kutembelea mbuga zetu, maana haiwezekani watalii toka nje ya nchi waje kutembea na kujionea vivutio na sisi tupo hapahapa nchini tunashindwa kufanya utalii wa ndani.

"Hakuna miujiza mingine zaidi ya kuamua, maamuzi sahihi na kujipanga ndio msingi wa kupata yote haya.Watanzania tuwe na tabia ya kutunza fedha kwaajili ya kufanya matukio kama haya hata mara moja kwa mwaka inasaidia kuimarisha afya ya akili na kuwa na ari ya kuitangaza nchi yetu vema ndani na nje ya mipaka ya Tanzania" alisema Mwakabibi.

Alifafanua zaidi kwamba tunamaeneo mengi ya utalii kuanzia kaskazini mwa nchi mpaka kusini mashariki mpaka magharibi, ni kiasi cha kuamua tu kwamba sasa tunaamka kutembelea vivutio vyetu na kufuta mawazo ya kuwa utalii unafanywa na watu wa mataifa ya nje.

Sambamba na hilo Mh. Hemed Karata alisema amefurahishwa sana na utalii huo kwani anaimani baada ya hapa watendaji pamoja na Waheshimiwa Madiwani watakuwa mabalozi wazuri wa kuitangaza nchi yetu.

Ninaimani sisi ni mabalozi wazuri wa nchi na kwa familia zetu, leo tumejionea vivutio vingi sana na kupata maelezo ya wanyama mbalimbali ambayo yanaleta hamasa na mwamko wa kutamani kutembelea vivutio vyote vya nchi. Alisema Mh.Karata.

Pamoja na hayo timu ya utalii ilipata fursa ya kutanabishwa masuala mbalimbali ya utalii na kujuzwa asili ya neno Mikumi lilitokana na aina ya miti ya "mikoche" (kwa lugha ya vidunda na wasagara) na kwamba, endapo miti hiyo ikiwa mingi zaidi huitwa mikumi.

Alifafanua zaidi kwamba watu wapende utalii wa ndani kwa kuwa hata lugha inayotumika ni rafiki kwakuwa ni lugha mama ya Taifa la Tanzania.

Hifadhi ya wanyama ya Mikumi inaukubwa wa kilometa 3,230 na inapatikana barabara kuu ya kuelekea Iringa,ina wanyama wa aina tofauti ambao uhama toka hifadhi ya Selous na kuhamia Mikumi kisha kurejea Selous tena.

TEMEKE WAPITIWA MAFUNZO YA ITIFAKI NA DIPLOMASIA.

Wakuu wa Idara na Vitengo toka Manispaa ya Temeke wamepatiwa mafunzo ya Iti

faki na Diplomasia. Mafunzo hayo yalifanyika katika ukumbi wa Stella Maris uliopo Bagamoyo mkoani Pwani. Lengo la mafunzo hayo ni kuwaongezea uwezo katika masuala ya kidiplomasia na itifaki.

Mafunzo hayo yaliongozwa na wakufunzi toka katika chuo cha Diplomasia kilichopo Dar-es-salaam.

Hifadhi ya Mikumi kuwa kivutio Temeke.

''Temeke Tunazungumzia Viwango Vingine '''Mkurugenzi

DC Lushoto awataka watanzania kupenda kutumia bidahaa za nyumbani.

Zijue faida za bata Bukini na bata Mzinga.

Kutana na Maabara ya mimea,Manispaa ya Temeke.

Waziri wa mifugo na uvuvi avutiwa na banda la manispaa ya temeke kwenye ...

Waziri wa Mifugo na Uvuvi atemebelea Banda la Manispaa ya Temeke katika maonyesho ya nanenane.

Ikiwa ni siku ya tatu toka kuanza kwa maonesho ya nanenane yanayofanyika kila mwaka,Manispaa ya Temeke imepata ugeni kwa kutembelewa na waziri wa Mifugo na Uvuvi Mh.Luhaga MPina ambae alitembelea banda la manispaa ya Temeke kwenye maonesho ya nanenane mkoani Morogoro na kuvutiwa namna wajasiriamali wa Temeke wanavyotengeneza bidhaa zao ,hivyo aliwasihi waendelee kuongeza juhudi katika shughuli zao wanazozifanya ili kuweza kujikwamua kiuchumi.pia mbali na waziri huyo ,wakazi mbalimbali wa mkoani humo wameweza kutembelea banda la Manispaa ya Temeke katika maonesho hayo.

Maajabu katika ufugaji wa samaki ni katika banda la Manispaa ya Temeke.

Waziri wa Nchi Ofisi ya Rais Tawala za Mikoa na Serikali za Mitaa Mh.Suleiman Jaffo, amefanya ukaguzi wa ujenzi wa kituo cha Afya kinachojengwa kata ya Buza pamoja na ujenzi wa Soko linalojengwa kata ya Makangarawe Manispaa ya Temeke. Aidha katika ujio wake amefurahishwa na kasi ya ujenzi inavyoendelea na kuipongeza Manispaa ya Temeke kwa usimamizi mzuri wa Miradi wanayopewa na kuwasihi kuendelea kuisimamia miradi hiyo, inayotegemewa kukamilika mwishoni mwa mwezi Mei mwaka huu.

Mh.Suleiman Jaffo Waziri wa Tamisemi akitazama ramani ya soko linalojengwa kata ya Makangarawe