Mkuu wa Wilaya ya Temeke Felix Lyaniva kufanya oparesheni maalum kwa wadaiwa sugu.

Akizungumza leo jijini Dar es Salaam DC Lyaniva ameeleza kuwa zoezi hilo litalenga kukusanya kodi kwa wale wadaiwa sugu ambao wamekuwa wakidaiwa na Halmashauri hiyo kwa muda mrefu.

DC Lyaniva ametaja idadi ya wadaiwa sugu kuwa ni 142 ambapo wadaiwa wa leseni za biashara wakiongoza kwa idadi kubwa ya wadaiwa 69, ushuru wa huduma 52 na wadaiwa sugu kwa upande wa masoko wakiwa ni 21.

Jambo ambalo limepelekea halimashauri hiyo ya wilaya ya Temeke kutofikia malengo ya makusanyo ya kodi ya shilingi bilioni 29 ambapo wamefanikiwa kukusanya bilioni 23 pekee huku zaidi ya bilioni 6 zikibakia kwa wadaiwa sugu.

DC Lyaniva amesisitiza kuwa kwa wasiolipa kabla ya tarehe mosi ya mwezi Julai mwaka huu watachukuliwa hatua kali za kisheria, hivyo ni vyema wakatimiza wajibu huo haraka iwezekanavyo na kufafanua kuwa kwa umuhimu wa jambo hilo ofisi zitakuwa wazi mpaka siku ya jumapili.

Mkuu wa wilaya ya Temeke Felix Lyaniva

Mkuu wa wilaya ya Temeke Bw.Felix Lyaniva amesheriki katika zoezi la ufanyaji usafi pamoja na wanachi wa kata ya Buza mtaa wa Mashine ya maji.
Mkuu huyo wa wilaya pia aliweza kuzungumza na wananchi wa kata ya buza katika mkutano wa hadhara uliofanyika katika viwanja vya CCM kata ya Buza.
katika mazungumzo yake mkuu wa wilaya amewasisitiza wananchi kupenda kufanya usafi katika maeneo yao na sio kusubirri serikali ije kuwafanyia Pia mkuu wa wilaya amewahimiza wananchi wa Buza kushirikiana vyema na jeshi la polisi katika swala zima la ulinzi na usalama wa mitaa yote ya kata ya buza.
Nae mkurugenzi wa Manispaa ya Temeke Bw.Nassib Mbaga aliwahimiza vijana kupenda kufanya kazi na sio kukaa vijiweni pia aliahidi kudhamini mafunzo ya ujasiriamali kwa vikundi vya vijana ili waweze kujiajili wenyewe.

 Mkuu wa wlaya ya Temeke Felix Lyaniva akishiriki katika usafi kwa kukata nyasi.zoezi hili limefanyika katika kata ya Buza Mtaa wa Mashine ya maji.