WADAU WA MALEZI YA WATOTO WASHIO KATKA MAZINGIRA MAGUMU WATOA MAFUNZO.

Wadau wa malezi ya watoto wanaoishi katika mazingira hatarishi (JSI) wametoa mafunzo ya mfumo jumuishi kwawatendaji na wakuu wa idara na vitengo wa Halmashauri ya Manispaa ya Temeke.Mfumo huo umewekwa na serikali kwa kushirikiana na wadau kama WAMATA na(JSI) ili kutoa huduma kwa pamoja kwa watoto wanaoishi katika mazingira hatarishi pamoja na watu wanaoishi na virusi vya ukimwi  na sio kila mdau kwenda au kupeleka huduma kipekee

 Afisa wa maendeleo ya jamii kutoka wizara ya Afya Bi Asia Jingu akitoa mafunzo kwa wakuu wa idara na watendaji wa kata wa Halmashauri ya Manispaa ya Temeke.

Akitoa mafunzo hayo Bi Asia Jingu amesema mfumo huu ni muhimu kwani utawezesha kuweka taratibu za utoaji wa huduma kwa watoto wanaoishi katika mazingira hatarishi na si kila taasisi ama mdau kuwa na utaratibu wake jambo ambalo lilikuwa likisababisha baadhi ya watoto kukosa huduma kutokana na sababu mablimbali.pia Mfumo huu utahamasisha ushirikiano wa karibu kati ya wadau na  taasisi zinazojihusisha na kuhudumia watoto wanaoishi katika mazingira hatarishi.

Bi Asia Jingu pia amesema watoa huduma kwa watoto wanaoishi katika mazingira magumu wanatakiwa kutoa huduma kwa uweledi mkubwa kwani kazi hii ni ya kujitolea,kwa hiyo kwa wale wote watakaopata mafunzo kwa ajili ya huduma hiyo katika Mitaa mbalimbali wawe waadilifu kwa watoto na pia kutoa huduma bila ubaguzi kwa watoto wala kutowadhuru watoto hao walio katika mazingira magumu.

MKUU WA WILAYA TEMEKE AKUTANA NA WENYEVITI WA SERIKALI ZA MITAA.

Mkuu wa wilaya ya Temeke Bw Felix Lyaniva amefanya kikao na wenyeviti wa serikali za mitaa yote ya Halmashauri ya Manispaa ya Temeke lengo likiwa kujadili hali ya ulinzi na usalama katika Manispaa ya Temeke.

Akizungumza na wenyeviti hao Mkuu wa wilaya amewasisitiza wenyeviti hao kuhakikisha wanaunda vikundi vya ulinzi shirikishi katika Mitaa yao ili kuimarisha ulinzi katika Mitaa na pia kuwahimiza wananchi kutoa taarifa polisi pindi wanapoona dalili za uharifu,ama kugundua kundi lauharifu kwani kwa kufanya hivyo tayari kutasaidia kudumisha ulinzi katika eneo husika.

Mkuu wa wilaya ya Temeke Bw Felix Lyaniva akizungumza na wenyeviti wa serikali za Mitaa hawapo pichani.

Pia Mkuu wa wilaya aliwasisitiza wenyeviti kusimamia wazazi wenye watoto walio na umri wa kwenda shule kuhakikisha wanawapeleka watoto hao shule na kuhakikisha wanafika shule na si kukaa katika vijiwe kwani huko ndiko huunda vikundi vya Panya road ambavyo baadae huleta           matatizo kwa wananchi.Pia aliwasisistiza wenyeviti hao kuendelea kulifanyia kazi daftari la makazi ili kuweza kutambua wageni katika mtaa na pia kutoa taarifa kwa mamlaka husika pindi wanapokuwa na mashaka na watu wapya  wanaohamia katika Mitaa yao.