MKUU WA WILAYA YA TEMEKE MH: FELIX LYANIVA ATOA SALAMU ZA KUAGA MWAKA 2017 KWA WAKAZI WA TEMEKE

MH.LYANIVA AWATAKA WAKAZI WA TEMEKE KATIKA KUELEKEA MSIMU

WA KUFUNGA MWAKA, WASHEREHEKEA KWA UTULIVU NA AMANI.ALIYASEMA HAYO ALIPOKUA AKIFANYA MKUTANO NA WAANDISHI WA HABARI OFISINI KWAKE.

PIA APIGA MARUFUKU UCHOMAJI WA MATAIRI , UPIGAJI BARUTI NA KUFUNGA BARABARA PASIPO KUWA NA SABABU MAALUMU.

HALI KADHALIKA ATOA ONYO KALI KWA WAKWEPA KODI MBALIMBALI,WAHAKIKISHE WANALIPA KODI KWA WAKATI,ALISISITIZA IFIKAPO MWAKANI OPARESHENI MAALUMU ITAENDESHWA MTAA KWA MTAA ILI KUFICHUA WAKWEPA KODI HAO.

SAMBAMBA NA HAYO AMEWASISITIZA WAZAZI KUWAANDIKISHA WATOTO WAO SHULE PINDI IFIKAPO MWAKANI.

MWISHO AMEWATAKIA WATU WOTE KHERI YA MWAKA MPYA.

LIVE CHANNEL 10 SAA 4:00 USIKU LEO

 MPYA!!

ANGALIA CHANNELTEN LEO SAA 4:00 USIKU KIPINDI CHA SEMAKWELI .

MH:FELIX LYANIVA ATAZUNGUMZA LIVE KUPITIA KITUO CHA TELEVISION CHANNELTEN KUHUSU MAENDELEO KATIKA WILAYA YA TEMEKE.

USIKOSE

ZIARA YA NAIBU WAZIRI TAMISEMI MH: JOSEPHAT KANDEGE

Naibu wa Waziri Ofisi ya Rais Tawala za Mikoa na serikali za Mitaa(TAMISEMI) Josephat Kandege afurahishwa na uwazi wa miradi inayoendelea katika wilaya ya Temeke.

Mh: Kandege amefanya ziara katika Wilaya ya Temeke ikiwa ni sehemu ya ziara yake ya miradi ya maendeleo katika Mkoani Dar Es Salaam. Miradi hiyo ambayo imefadhiliwa na Banki kuu ya Dunia.

Lengo kuu ya ziara yake ni kujiridhisha na utekelezwaji wa miradi hiyo na kuhakikisha miradi hiyo inakamilika kwa wakati. Pia kukagua usalama wa wananchi wanaoishi karibu na ujenzi wa miradi hiyo.

Hata hivyo amerizishwa na utendekaji kazi na kasi ya miradi hiyo inavyoendelea. Ameipongeza ofisi ya Mkurugenzi kwa jinsi inavyosimamia vizuri mapato na matumizi ya fedha za miradi.

Miradi ambayo imetembelewa ni pamoja na ujenzi wa jengo la ofisi ya DMDP lilipo katika eneo la Halmashauri ya Manispaa ya Temeke,ambalo lilmekamilika na kutumika.

Barabara ya Mwanamtoti, Daraja la kijichi Toangoma,Soko na Stand ya kijichi ambayo yote imefikia katika hatua nzuri. Miradi yote hii inatarajiwa kukamilika kufikia mwezi wa pili mwakani.

DIWANI KIJICHI AAPISHWA LEO

Elisa Kassim Mtalawanje  aapishwa kuwa diwani mpya wa kata ya kijichi.

Sherehe hizo za kuapishwa zilifanyika kwenye ukumbi wa mikutano wa Manispaa Iddi Nyundo na kuhudhuriwa na  madiwani wa kata mbalimbali za Manispaa ya Temeke, pamoja na mwenyekiti wa CCM wilaya ya Temeke Bi.Aumisia Zali na wakuu wa idara na vitengo.

Mtarawanja ambaye alitangazwa kuwa mshindi na Mkurugenzi wa Manispaaya Temeke katika uchaguzi uliofanyika Nov 27, nakujipatia ushindi huo kwa kura 2658 kupitia chama cha CCM, ameapishwa mapema leo mbele ya mwanasheria. 

JUKWAA LA WANAWAKE WILAYA YA TEMEKE LAZINDULIWA RASMI

Mkuu wa Wilaya ya Temeke Mh:Felix Lyaniva azindua jukwaa la wanawake Kiwilaya katika viwanja vya Mwembe Yanga. Katika uzinduzi huo DC Lyaniva asisitiza wanawake kupendana,kuwa na umoja ili kujiletea maendeleo ya kweli,hata kufikia uchumi wa kati.

Wanawake hao ambao wamejitokeza kwa wingi katika uzinduzi huo, huku sherehe hizo zikipambwa na shamrashamra za maandamano ya vikundi mbalimbali vya wanawake wajasiriamali.

Pia wanawake wajasiriamali walionesha kazi za mikono na ubunifu ufanywao na vikundi vyao.

Katika uzinduzi huo ulifanyika uchaguzi wa mwenyekiti wa jukwaa la wanawake Kiwilaya ambapo Johari Maulid Mkonde alichaguliwa rasmi kuwa mwenyekiti wa jukwaa la wanawake wilayani Temeke.

Hata hivyo wanawake wa Temeke wamepewa fursa kushiriki uchumi wa viwanda ili waweze kufika malengo ya maendeleo endelevu ya 50/50 ya dunia kufikia mwaka 2030.

Jukwa la wanawake liliundwa ili kuwawezesha wanawake kiuchumi na kuondoa pengo kubwa ambalo limejengeka duniani na kuongeza ushiriki wa wanawake katika uchumi duniani kote. Majukwaa haya yatazinduliwa katika Mikoa yote nchini na Halmashauri zote. Katika Mkoa wa Dare Es Salaam Wilaya ya Temeke ni Wilaya ya kwanza kuzindua jukwaa la wanawake.

Kauli mbiu katika uzinduzi huu ni ''Mwanamke Tumia Fursa Kushiriki Uchumi wa Viwanda''

DC TEMEKE ATEMBELEA KITENGO CHA HABARI TEMEKE

Mapema leo mkuu wa wilaya ya Temeke Mh:Felix Lyaniva afanya ziara katika kitengo cha habari Manispaa ya Temeke.

Akiwa katika ziara hiyo aliwapongeza wana kitengo kwa juhudi na ubunifuwao wa kuhabarisha umma kwa wakati na kwa kutumia njia mbalimbali za mitandao ya kijamii vizuri.

Aidha M:Lyaniva alishauri  kudumisha uhusiano mzuri na vyombo vingine vya habari pamoja na taasisi za serikali ili kuongeza wigo mpana wa kufikia wananchi kwa wingi na wakati sahihi.

Hata   hivyo mkuu wa wilaya aliwasihi waendelee kufanya kazi kwa umoja ,weledi na ufanisi mzuri ili jamii iweze kupata habari za uhakika na kwa wakati sahihi.

Kwa habari za uhakika tufatilie kupitia:

Website:  www.temekemc.go.tz

Facebook:  TemekeManispaa

Twitter:  temekeManispaa1

Blog:  manispaatemeke.blogspot.com

Onlinetv: youtube TMCTV

Kwa maoni na ushauri tuandikie kupitia:

Baruapepe:  temeke@temekemc.go.tz

S.L.P 46343 DSM

DC TEMEKE AZINDUA KAMATI YA UJENZI

Mh: Felix Lyaniva azindua kamati ya ujenzi wa kituo kisasa cha polisi katika kata ya Chamazi. Katika uzinduzi huo Mh: DC alisema kuimalika kwa ujenzi wa Kituo hicho kutaimarisha ulinzi na kutokomeza vitendo vya uhalifu mbalimbali.

Hata hivyo Mh:DC amewaasa na kuwatia moyo watendaji wa kamati hiyo kufanya kazi kwa weledi,uaminifu na uwazi ili kufikia malengo waliyojiwekea.

Ujenzi wa kituo cha polisi kata ya Chamazi  unajengwa na wadau mbalimbali wa Temeke ili kutokomeza vitendo vya uhalifu na kuweka ulinzi madhubuti  katika kata hiyo.

                                 MATOKEO YA UCHAGUZI WA UDIWANI.

Halmashauri ya Manispaa ya Temeke yatangaza Matokeo ya Uchaguzi wa Diwani Kata Ya Kijichi.
Matokeo ya udiwani yametangazwa usiku wa kuamkia leo na msimamizi mkuu Mkurugenzi wa Manispaa ya Temeke Ndugu;Nassib Mbaga, na matokeo yalikua kama ifuatavyo:
ACT WAZALENDO 416
ADC 21
CCM 2658
CUF 916
NCCR MAGEUZI 13
MH.ELISA KASSIM MTALAWANJE AMEIBUKA MSHINDI NA NDIE DIWANI WA KATA YA KIJICHI KUPITIA CCM.

     HOMA YA MATENDE NA MABUSHA  YAFIKIA  MWISHO TEMEKE.

Halmashauri ya Manispaa ya Temeke yazindua rasmi kampeni ya utoaji tiba kinga za matende,busha na minyoo ya tumbo leo. Zoezi hilo linaloendeshwa kitaifa katika ngazi ya Mkoa kila mwaka  kwaajili ya kutoa tiba kinga ya magonjwa yasiyopewa kipaumbele.

Akizungumza mapema leo ofisni kwake mratibu wa magonjwa yasiyopewa kipaumbele ndg; Jumanne Kagoda  amesema ''wananchi wajitokeze kwa wingi  ili waweze kupata tiba kinga ya magonjwa ya matende na mabusha , pia amesisitiza wananchi kuhamasishana ili kujitokeza kwa wingi''.  Amewaasa wananchi  kutokusikiliza maneno ya upotoshwaji mbaya  kuhusu dawa zinazotolewa,kwani  dawa  hizo hazina madhara yoyote kiafya.

Zoezi hili la utoaji dawa kama tiba kinga litahusisha watu wote, wanawake kwa wanaume kuanzia umri wa miaka 5 na kuendelea. Na halitahusisha Wagonjwa mahututi,wajawazito na watoto chini ya miaka 5.

Aidha Halmashauri ya Manispaa ya Temeke imetenga zaidi ya vituo 179 vya kutolea dawa, hivyo wananchi mnaombwa kujitokeza kwa wingi kwani zoezi hilo ni bure kabisa.

''Kinga ni bora kuliko tiba''

MAADHIMISHO YA KUMBUKUMBU YA NYERERE YAFANA TEMEKE

  Katika kuadhimisha siku ya kumbumbuku ya hayati Baba wa Taifa Mwl; Julius Kambarage Nyerere, Wilaya ya Temeke yafanya michezo mbalimbali ambayo ilijumuisha watumishi wote wa Wilaya hiyo na vilabu vyote vya michezo vya Mkoa wa Dar.

Mgeni rasmi wa tamasha hilo ambaye ni Mkuu wa wilaya ya Temeke Mh:Felix Lyaniva alifurahishwa na kazi nzuri ya maandalizi ya Tamasha hilo, jinsi watumishi na vilabu vya michezo walivyojitokeza kwa wingi katika kuadhimisha siku hiyo ya kifo cha baba wa taifa.

Lyaniva alisisitiza kuyaishi maisha ya Mwl Nyerere  kwa kuawazalendo wa taifa letu na kuikataa rushwa ambayo ni adui wa maendeleo na adui wa haki. Alisema "Mwalimu Nyerere alikua mpenzi wa michezo ndio maana leo tunamuenzi". Mwl Nyerere ndiye alikua muanzilishi wa michezo mbalimbali.

Alisisitiza katika vilabu vyote vya michezo kuwa na shughuli mbalimbali za kijasiliamali ili kujikwamua kiuchumi.Alisema hayo alipowakumbusha wanamichezo kuwa pamoja na kwamba michezo ni afya lakini pia ikitumiwa vizuri itakuinua kiuchumi.

Alifafanua zaidi ikiwa vikundi vya michezo vikiungana na kuamua kufungua viwanda vidogo itasaidia kupata ajira, pesa ,pia itapunguza kundi kubwa la wahalifu. Alimuunga mkono raisi wa awamu ya tano Dr.John Pombe Mgufuli katika jitihada zake za sera ya maendeleo ya ukuaji wa uchumi wa viwada ili kufikia uchumi wa kati. Pia Mh:Lyaniva ahaidi tamasha hili kufanyika kila mwaka, hivyo waandaaji wajipange koboresha michezo yote.

Mgeni rasmi  alishiriki mbio za mwendo mfupi km 5 kuanzia uwanja wa uhuru, pia alifungua bonanza kwa kukimbia na washiriki wengine mbio za mita 100.

Pamoja na hayo tamasha lilipambwa na shangwe za michezo mbalimbali yenye kufurahisha kama kukimbiza kuku,kukimbia na gunia, na kukimbia na kijiko chenye ndimu mdomoni. 

Pia kulikua na upimaji wa afya, magonjwa mbalimbali yalipimwa ikiwamo saratani ya shingo ya kizazi kwa wanawake, shinikizo la damu,kisukari nk

Katika bonanza hilo team zote  za manispaa zimefanya vizuri.

Pia bonanza hilo lilipambwa na wanaskauti wa wilaya ya Temeke,ambao walitoa igizo.

Washiriki wengi walikua na afya njema mpaka mwisho wa tamasha hakukua na majeruhi,kila mtu alionekana kufurahishwa na michezo hiyo.

SPORTS BONANZA

KATIKA KUAZIMISHA SIKU YA KUMBUKUMBU YA  HAYATI BABA WA TAIFA MWL JULIUS K NYERERE, AMBAPO KILA MWAKA HUKUMBUKWA IFIKAPO 14/10/2017.

MANISPAA YA TEMEKE KWA KUSHIRIKIANA NA VILABU VYA MAZOEZI (TEJA) WAMEANDAA  TAMASHA KUBWA LA MICHEZO, SPORTS BONANZA LITALOFANYIKA KATIKA VIWANJA VYA UHURU KUANZIA SAA 12:30 ASUBUHI. SIKU YA JUMAMOSI.

TAMASHA HILO LITAHUSISHA OFISI YA MKUU WA WILAYA NA WATUMISHI WOTE WA WILAYA HIYO.

MGENI RASMI ATAKUA MKUU WA MKOA WA DAR ES SALAAM MH;PAUL MAKONDA



NYOTE MNAKARIBISHWA.

MKUU WA WILAYA ATOA ZAWADI

Ikiwa leo ni siku ya pili tangu mazoezi ya kuelekea kilele cha bonanza la kuadhimisha siku ya kumbukumbu ya Hayati baba wa Taifa Mwl Julius .K. Nyerere kuendelea katika viwanja vya shule ya Secondary Kibasila, watumishi wamejitokeza kwa wingi kwenye mazoezi.

Mkuu wa Wilaya ya Temeke Mh.Felix Lyaniva nae  akiwa miongoni mwao, ametoa zawadi ya pesa taslimu kwa wanamichezo waliofanya vizuri, ambapo pesa hiyo ilitolewa kwa mshindi wa kwanza na wapili.Zawadi hizo zitaendelea hadi mwisho wa mazoezi.

Mkuu wa Wilaya amesisitiza ushiriki wa kila Mtumishi katika mazoezi bila kukosa. Pamoja na hayo amefurahishwa na jitihada za wafanya mazoezi kuwa ni ya kuridhisha na amesema anatarajia ushindi wa nguvu kwa team zote za watumishi.

Mazoezi hayo yalihudhuriwa na katibu Tawala Wilaya ya Temeke(DAS) Bwn.Hashimu Komba na Wakuu wa Idara.

Mazoezi hayo yanaendelea mpaka Ijumaa katika viwanja vya Kibasila ambapo team zote zinajinoa kikamilifu ili kuwakabili wapinzani wao. Bonanza hilo linatarajiwa kufanyika katika kiwanja cha Uhuru siku ya Jumamosi ya tarehe  14/10/2017 wiki hii.

Pichani ni watumishi wakiwa mazoezini.

JUKWAA LA WANAWAKE WAJASILIAMALI TEMEKE LAUNDWA

JUKWAA LA WANAWAKE WAJASILIAMALI TEMEKE LAUNDWA

Katibu Tawala Wilaya ya Temeke Bw:Hashimu Komba aunda jukwaa la wanawake wajasiliamali wa wilaya ya Temeke ambao walijitokeza kwa wingi kutoka kata zote za wilaya hiyo. Akiongea na wanawake hao wajasiliamali leo katika ukumbi wa Iddi Nyundo Manispaa ya Temeke.

               Pichani Bw:Hashimu Komba, Katibu Tawala Wilaya ya Temeke.

kauli mbiu ya kikao hicho ni “Mwanamke tumia fursa kuimalisha uchumi wa viwanda” ambapo Katibu tawala huyo ameungana na juhudi za Makamu wa Rais Mama Samia Suluhu ikiwa ni mwendelezo wa uzinduzi wa jukwaa la wanawake katika kuinua uchumi wa mwanamke ili kuleta Maendeleo ya taifa kiwilaya.

Kauli mbiu hiyo ilisemwa na Makamu wa Rais katika siku ya uzinduzi wa Jukwaa la uwezeshaji wa wanawake kiuchumi kimkoa lililofanyika katika viwanja vya Posta,kijtonyama. Ambapo uzinduzi huo ni wa 23,lililoandaliwa na Baraza la uwezeshaji kwa ufadhili wa benki ya CRDB.
Komba aliwamwagia sifa wanawake kwa juhudi zao za kujikwamua kiuchumi katika jamii,aliwapongeza akina mama kwanamna wanavyojituma na kuwa waaminifu na kuwa na uwezo wa kusimamia vipato vyao vidogo wanavyopata kwa kujileta maendeleo makubwa.

  

 Pichani watumishi wa Manispaa na wanawake wajasiliamali wakimsikiliza        Bw:DAS kwa makini.

Ahadi kuwa jukwaa hilo punde litakopo undwa litakuwa na tija kubwa katika kujitangazia biashara na ubunifu wa kazi zao wanazofanya katika ngazi za kimataifa,kitaifa,kimkoa,kiwilaya mpaka kata. Pia watapata fursa mbalimbali za kupiga hatua kama kushiriki maonesho ya kibiashara ya sabasaba na nanenane. Hivyo asisitiza kuchaguliwa kwa viongozi walio na uwezo wakusimamia mawazo,ubunifu na ujuzi wa kazi zao ili kusimamia jukwaa hilo katika kujiletea maendeleo.

Hata hivyo amewapa moyo kuwa kuelekea katika sera ya uchumi wa viwanda kwa kuanzia waendelea kutumia technolojia hizo hizo ndogondogo wanazotumia nyumbani kuzalisha bidhaa mbalimbali ikiwa ni mfano wa viwanda vidogovidogo,wakati wanajiandaa kupata viwanda vikubwa. Kwakufanya hivyo watakuwa wanajiingizia kipato,pia kuinua uchumi wa viwanda katika nchi yetu.

Wanawake wajasiliamali wakiwa katika kikao cha uundaji wa jukwaa la wanawake wajasiliamali kiwilaya.

Katika kikao hicho katibu Tawala huyo alipongeza Idara ya Maendeleo ya Jamii na Ustawi wa Jamii inayoongozwa na John Bwana kwa kazi nzuri wanayoifanya kwa kuwatambua wajasiliamali hao ambao wamejitokeza kwa wingi na shauku kubwa kuunda jukwaa hilo.

Jukwaa hilo linatazamiwa kuzinduliwa hivi karibuni lengo kuu ikiwa ni kumwinua mwanamke kufikia katika uchumi wa kati, ambapo inasemekana mwanamke ni mlezi wa familia na jamii, ukimwezesha mwanamke imeliwezesha taifa.

Top of Form

BREAKING NEWS

                                 MANJI APOTEZA UDIWANI

Mstahiki Meya wa Halmashauri ya manispaa ya Temeke Mhe; Abdallah Chaurembo amvua udiwani Mhe; Yusufali Mehbub Manji  ambaye alikua diwani wa kata ya Mbagala Kuu.

Utenguzi huo ulifatia uvunjwaji wa kanuni za Halmashauri ya Manispaa ya Temeke za Mwaka 2015 kifungu cha 72(C) ambacho kinamtaka Diwani pamoja na majukumu mengine aliyonayo lazima ahudhurie mikutano ya Halmashauri na kamati ndogo ambayo yeye ni mjumbe bila kukosa.

 Aidha sheria ya serikali za Mitaa sura ya 8  ya 1982 kifungu cha 25(5) (a) (b) kinaeleza kuwa mjumbe wa Baraza la Madiwani ambaye hakuhudhuria vikao vitatu mfulULIZOzo bila taarifa yeyote ya maandishi kwa Mwenyekiti atakuwa amejiondoa katika nafasi hiyo.  Lakini pia kanuni za kudumu za Halmashauri ya Manispaa ya Temeke za mwaka 2015 zinaeleza wazi kuwa kiti cha mjumbe wa Halmashauri kitakuwa wazi endapo mjumbe bila sababu ya kuridhisha au bila idhini au kibali cha maandishi cha Mwenyekiti, atakosa kuhudhuria mikutano mitatu (3) ya kawaida ya Halmashauri inayofuatana au kamati ambayo yeye ni mjumbe, nafasi yake inatakiwa kuwa wazi (kifungu cha 73(1) (m).

Kutokana na vifungu hivyo vya kanuni vinamlazimu Mstahiki Meya kuengua nafasi hiyo ya Diwani wa kata ya Mbagala Kuu. Pia mstahiki Meya amemwandikia barua yenye viambatanishi ya utenguzi huo kama sehemu ya utaratibu unaojulikana  katika Ofisi ya Waziri wa Ofisi ya Rais, Tawala za Mikoa na Serikali za Mitaa (TAMISEMI) Mhe; George Simbachawene kuwa nafasi hiyo sasa ipo wazi, ili taratibu zingine zifuate.

Awali Tarehe 20/2/2017 Mhe; Yusufali Mehbub Manji aliandika barua kwa Mkurugenzi yenye Kumb.Na. YM-MBGKUU/51/2017 akitoa taarifa ya kutoweza kuhudhuria vikao vya Halmashauri kutokana na sababu za kiafya bila ya kuwasilisha uthibitisho wa daktali. Vikao alivyo vikosa baada ya kuandika barua yake ni vile vya tarehe 3-4/3/2017, 18-19/5/2017 na 24-25/8/2017. 

Tarehe 22/3/2017 Mkurugenzi alimwandikia barua yenye Kumb. Na TMC/MD/K.11/58/57 akimtaka awasilishe taarifa za kidaktari kuthibitisha matatizo ya kiafya kama alivyoeleza kwenye barua yake jambo ambalo hakulitekeleza. Aidha tarehe 22/5/2017 aliandika barua  yenye kumb na. YM/MBGKUU/64/2017 ambayo ilinakilishwa kwa Mkurugenzi akieleza kutohudhuria vikao vya Halmashauri kwa sababu za kiafya bila kuweka uthibitisho wowote lakini pia akiweka wazi nia yake ya kutaka kujiuzulu kama hali yake ya afya haitaimarika.

                                    

                                     Mstahiki Meya, Mhe; Abdallah Chaurembo 

”kwa kuwa Mhe. Yusufali Mehbub Manji hakuhudhuria vikao na mikutano ya Halmashauri inayofuatana bila kutoa taarifa (mikutano ya tarehe 3/2/2016,24/3/2016,1/6/2016,25/8/2016, 24/11/2016, 14-15/2/2017) na vikao vya kamati ambavyo yeye alikua mjumbe vya tarehe 18/3/2016, 17/8/2016, 8/11/2016, 2/2/2017,(hata vikao na mikutano aliyo toa taarifa alishindwa kuthibitisha taarifa za ugonjwa) pia amevunja kanuni za Halmashauri pamoja na sheria ya Serikali za Mitaa sura ya 8 ya mwaka 1982 kifungu 25(5) (a) (b) kama kinavyosomeka hapo juu, hivyo nawasilisha taarifa rasmi kuwa Bwana Yusufali Mehbub Manji amekosa sifa ya kuendelea kuwa Diwani wa kata ya Mbagala na kwamba kata hii itangazwe kuwa iko wazi". alisema Mstahiki Meya wa Halmashauri ya Manispaa ya Temeke Mhe; Abdallah Chaurembo.

HALMASHAURI YA MANISPAA YA TEMEKE  YAPATA NAIBU MEYA MPYA

Halmashauri ya Manispaa ya Temeke imepata Naibu  Meya mpya, katika kikao cha baraza la madiwani ambapo kisheria kila mwaka hupatikana Naibu Meya mpya. Katika uchaguzi huo kulikua na wagombea wawili Mh:Benjamini Ndalichako diwani wa kata ya Changombe na Mh:Juma Rajab Mkenga diwani wa kata ya  Miburani. Ambapo katika kinyang'anyiro hicho  Mh:Juma Rajabu Mkenga aliibuka mshindi kwa kura 18 kati ya kura 29  ya kura zilizopigwa,huku mpinzani wake akiwa na kura 11.

Mara baada ya kupata ushindi huo Mh:Mkenga aliwashukuru wapiga kura wote na kuwaomba washirikiane katika kuijenga Temeke mpya.

Pia katika baraza hilo ulifanyika uchaguzi wa viongozi wa kamati mbalimbali ambazo zitashirikiana katika mambo ya kijamii na maendeleo ya Temeke, kamati hizo ni pamoja na kamati ya Uchumi Afya na Elimu Mwenyekiti ni Mhe: Abdallah S Mtinika, Kamati ya MipangoMiji na Mazingira Mwenyekiti ni Mhe: Ramadhan Likimangiza,Kamati ya Fedha na Uongozi Mwenyekiti ni Mhe: Abdallah J Chaurembo, Kamati ya Kudhibiti Ukimwi mwenyekiti ni Mhe Juma R Mkenga.

Imetolewa na ofisi ya Habari na Uhusiano Temeke.

TMC TV

           UKAGUZI WA MIRADI YA WAHESHIMIWA MADIWANI

Madiwani wa wilaya na halmashuri ya Manspaa ya Temeke wakiongozwa na Naibu Meya Mh; Faisal Salum, watembelea miradi mbalimbali ya Manispaa Temeke yenye thamani ya zaidi ya Bilioni 22. Ambayo imefikia hatua nzuri zenye kuridhisha na kukaribia kukamilika kabisa ifikapo mwezi pili 2018. Miradi hiyo n ile inayosimamiwa na DMDP, Halmashauri ya Temeke na World Bank.

Waheshimiwa wamefurahishwa na kile walichokikuta katika kuboresha na kuinua miundo mbinu ya Manispaa hiyo. Miradi hiyo ikikamilika italeta  urahisi katika utoaji huduma katika maeneo hayo.

Moja ya mradi ulio katika hali nzuri ni ule wa usambazaji maji ambao ukikamilika unatazamiwa kusaidia wakazi wa Mbuyuni, Azimio, Mbagala kuu na Kizuiani. Miradi mingine ni kama ujenzi wa barabara ya Mwanamtoti,ujenzi wa barabara ya Kijichi Toangoma wenye urefu wa 3.1KM, ujenzi wa daraja lenye urefu wa mita 16,Ofisi za Mradi wa DMDP umekamilika kwa zaidi ya asilimia 95%. Ujenzi wa madarasa kidato cha Tano na Sita shule ya Sekondari Mbagala, ukarabati wa vyumba 20 vya madarasa shule ya msingi Mbagala Anex, ujenzi wa vyumba 2 vya madarasa shule ya msingi Karume.

Hata hivyo Mh;Naibu Meya amepinga vikali kasi ndogo ya wakandarasi ambao wanakwamisha miradi kukamilika kwa wakati kwa kusingizia mvua na mabadiliko ya hali ya tabia nchi, hivyo amesema hatamvumilia yeyote atakaye onekana kwenda kinyume na mikataba waliokubaliana. Hata hivyo amewapongeza wakuu wa Idara, watendaji na watumishi wote ambao wanashiriki kikamilifu katika zoezi hilo.    

KATIBU TAWALA TEMEKE AHAMASISHA MICHEZO TEMEKE.
Katika kuhamisha michezo Temeke, Katibu Tawala Wilaya ya Temeke Mh. Hashimu Komba awapongeza Team ya Keko Furniture ambayo imefanikiwa kuingia nusu fainali ya Ndondo Cup katika mechi iliyochezwa dhidi ya Timu ya Stimutosha fc na kujipatia ushindi wa penalti(matuta). Aidha Mh; Komba amewapongeza sana timu ya Keko Furniture kwa kufanikiwa kuingia hatua ya nusu fainali

 Katibu tawala wa wilaya ya Temeke Bw.Hashimu Komba akizungunmza na wachezeji wan timu ya Keko furniture.

wachezaji na viongozi wa timu ya Keko Furniture wakimsikiliza katibu tawala wa wilaya Temeke Bw Hashimu Komba hayupo pichani.

Mashindano hayo yaliyobeba kauli mbiu ya "kamatia kombe Temeke" yanalenga kulitetea kombe hilo ambalo limekua wilayani humo kwa muda mrefu. Mh; DAS ameahidi kutoa kiasi cha fedha TSH; 50000/= kwa kila goli watakalo pata. Pia ametoa hamasa kwa wadau wote wa Temeke kudhamini team hiyo ili kujiletea ushindi nyumbani na kuondoa baadhi ya changamoto wanazokutana nazo.

katika hatua hiyo diwani wa kata ya keko Mh; Fundi Shabani kwaniaba ya madiwani wote wa wilaya ya Temeke amehaidi kuwaweka kambini team hiyo kwa muda wa siku mbili  na kuwapatia chakula na usafiri endapo watavuka nusu fainali. Pia Masai Recording Picture nao wameahidi kutoa usafiri na chakula kwa mechi zote zilizobaki ,na kiasi cha fedha elfu hamsini, 50000/= kwa kila goli watakalo funga.

Timu ya keko funiture ni miongoni mwa timu iliyofanikiwa kufanya vizuri katika mashindano ya NdoNdo Cup mwaka huu katika wilaya ya Temeke, kila la kheri katika kunyakua ubingwa Keko Furniture Team. 

MANISPAA YA TEMEKE NANENANE MAMBO NI MOTO.

Manispaa ya Temeke inakukaribisha wewe mwananchi kujifunza na kupata maelezo mbalimbali ya kitaalam yanayohusu kilimo na ufugaji katika banda letu lililopo viwanja vya nanenane mjini Morogoro, karibuni nyote.