KAMATI YA FEDHA MANISPAA YA TEMEKE YAKAGUA MIRADI YA DMDP

Halmashauri ya Manispaa Manispaa ya Temeke kwa kushirikiana na Ofisi ya Mkuu wa Mkoa wa Dar -Es- Salaam na wizara ya afya,Maendeleo ya Jamii jinsia wazee na watoto inategemea kufanya kampeni maalum ya utoaji wa dawa za kingatiba kwa Magonjwa yaliyokuwa hayapewi kipaumbele. Miongoni mwa magonjwa hayo yamo ndani ya jamii maskini.Magonjwa hayo ni Ukoma, Matende na Mabusha(Ngirimaji), Minyoo ya Tumbo, Usubi, Homa ya dengu, Homa ya malale na Homa ya Ini.

Akizungumza katika uzinduzi huo Mkuu wa Wilaya ya Temeke Mh.Felix Lyaniva alihimiza wajumbe wa kamati kwenda kuhamasisha vizuri kwa wananchi ili wajitokeze kwa ajili ya kupata dawa za kinga tiba ya magonjwa yasiyopewa kipaumbele,ambapo zoezi hilo la ugawaji dawa litadumu kwa muda wa siku 6 kuanzia tarehe 15/12/2018 mpaka tarehe 20 /12/2018 wanaotakiwa kupata dawa hizo ni wenye umri kuanzia miaka 5 na kuendelea.Dawa hizo zitagawiwa katika maeneo tofauti tofauti ikiwemo kwenye vituo vya Afya, Mashuleni,kwenye makazi ya watu ,Baadhi ya ofisi za serikali za Mitaa n.k, walengwa ni wananchi wote wa Temeke wapatao 1,136,057 ambao ni asilimia 80% ya wakazi wote kati ya 1,420,071 kulingana na takwimu ya sensa ya 2012.

vituo vya kutolea dawa hizo vipo 161(110 vya kudumu na 51 vya kuhamahama kwa muda wa siku zote sita.

Nae Mganga mkuu wa Manispaa ya Temeke Ndg.Gwamaka Mwabulambo aliomba wakazi wa Temeke kuja kupata dawa hizo ifikapo tarehe 15 mwezi huu na dawa hizo zitatolewa bure bila gharama yoyote na hazina madhara yoyote

Hivyo wananchi mnaombwa kujitokeza kupata dawa ya kinga tiba za magonjwa yasiyopewa kipaumbele.

Mh.Felix Lyaniva akipata dawa za kinga ya magonjwa yaliyokuwa hayapewi kipaumbele.

Ziara ya kamati ya Fedha na Uongozi katika Jiji la Tanga.

Tuige mfano wa Chaurembo

Wito huu umetolewa na Mwenyekiti wa Chama Cha Mapinduzi CCM, Wilaya ya Temeke Ndugu: AL Mish Hazal na kutaka Madiwani wote wa Chama Cha Mapinduzi Wilaya ya Temeke Kuiga mfano wa Mh: Chaurembo, ambaye ni Mstahiki Meya wa Manispaa ya Temeke na Diwani ya kata ya Charambe, kwa kazi nzuri aliyoifanya ya kutoa Semina elekezi kwa mabalozi wa mashina alisema "semina hizi ziende kwenye kata zote za Wilaya ya Temeke".

Akitoa salamu za utangulizi, Ndugu AL Mish, alimpongeza Mh: Chaurembo leo October 07, 2018 katika semina ya mabalozi wa mashina 63 kata ya Charambe katika Ukumbi wa Iramba na kusisitiza kuwa Mstahiki anafaa kuigwa kwa kazi nzuri anazofanya.

"Ninafahamu ya kwamba Charambe ni ngome ya CCM, Mh: Chaurembo ambaye ni Diwani wenu anafanya kazi kubwa sana, Ninafuraha sana kuona na kusikia hali ya siasa katika eneo la Charambe ipo imara...
Kazi kubwa imefanyika kukiimarisha Chama,hongera sana Mh: Chaurembo."

Akigusia mchango na umuhimu wa mabalozi wa mashina katika kukiimarisha Chama cha Mapinduzi CCM, Ndugu AL Mish alisema "Mimi nimekuwa nikiguswa sana na mabalozi wa mashina, mabalozi ni chachu ya ustawi wa chama, nitaendelea kuwaunga mkono na kushirikiana nao katika kukiimarisha chama"alisisitiza.

Ndugu AL Mish aliwasihi mabalozi hao wa mashina wanapofanya vikao vyao vya dharura wampatie mwaliko ili aweze kuona jinsi gani wanavyoendesha vikao.

Vile vile aliwataka waweze kutafakari maelekezo wanayopewa na viongozi wao, Pia wawe na mikakati mizuri ya kuhakikisha Chama cha Mapinduzi CCM kinaibuka na ushindi katika chaguzi za Serikalk za mitaa 2019.

AL Mish aliwataka mabalozi hao wa mashina wawe makini na Wanachama mamluki wanaokuja kujiandikisha na kujifanya ni wana CCM.

Mwisho ndugu AL Mish Hazal aliwataka mabalozi wa mashina wawe na mfuko wa fedha pia wawe na sera ya uwekezaji.
alitoa wito kwa wanachama wa CCM kujichangisha fedha na kuweka kwenye mfuko wa fedha ili chama kiweze kujitegemea katika chaguzi mbalimbali.

Soma Magazeti ya Leo Jumatatu 8/10/2018

SOMA MAGAZETI YA LEO JUMATATU 08/10/2018

Magazeti ya Leo 06/10/2018

YALIYOMO MAGAZETI YA LEO JUMAMOSI 06/10/2018

Fungua: www.temekemc.go.tz

Maafisa afya wapokea mafunzo kuhusu Ebola

Maafisa afya wote wa Halmashauri ya Manispaa ya Temeke wamehudhuria mafunzo ya namna ya kujikinga na ugonjwa wa Ebola. Mafunzo hayo yamefanyika katika ukumbi wa Iddi Nyundo uliopo Manispaa,yaliyoendeshwa na wataalamu kutoka Ofisi ya mkuu wa Mkoa wa Dar Es Salaam wakishirikiana na wataalamu kutoka Wizara ya Afya.

Mafunzo hayo yenye lengo la kuwajengea uwezo wataalamu wote wa afya wa Halmashauri ili kukabiliana na ugonjwa huo endapo utatokea.

Mtaalamu kutoka Wizara ya Afya na maendeleo ya jamii kitengo cha Epidermiology Bib:Vida Mmbaga, ambae alifundisha mambo mbalimbali ikiwemo jinsi ya kujikinga, kumtambua mgonjwa na namna ya kumuhudumia mgonjwa wa Ebola.Aliwaambia wataalamu hao ni muhimu kuwa na vikao mbalimbali vya ndani ili kujadili namna ya kujipanga kutokomeza virusi hivyo, ikiwemo kujiandaa na vifaa na eneo maalaumu la kumuhudumia mgonjwa mwenye dalili zitokanazo na ugonjwa huo endapo ugonjwa huo ukitokea. Pia aliwakumbusha maafisa afya kuendelea kujifunza juu ya kuukabili ugonjwa huo kwa kupata mafunzo ya mara kwa mara.

Hata hivyo mafunzo hayo yataendelea kwa ngazi zote za Halmashauri mpaka kumfikia mwananchi wa ngazi ya chini anayeishi Temeke.

Ebola ni ugonjwa unaosababishwa na virusi vya homa ya hemoraji (kumwaga damu kwa sana). Kati ya watuu 10 waliopata virusi vya ebola,wastani kati ya watu 5 na 9 hufa.Imeonekana kuwa nchi za jirani na Tanzania zimekutwa na wagonjwa wenye virusi hivyo.

Bonanza Kubwa La Michezo Kufanyika 14/10/2018

SOMA MAGAZETI YA LEO JUMANNE 15/09/2018

SOMA MAGAZETI YA LEO JUMANNE 25/09/2018 KUPITIA TOVUTI YETU YA MANISPAA

LINK; www.temekemc.go.tz

Mkurugenzi Manispaa yaTemeke awataka walimu kuongeza kiwango cha ufaulu.

MKURUGENZI MPYA MANISPAA YA TEMEKE AHIMIZA UWAJIBIKAJI KWA WATUMISHI.

Makabidhiano.

Mkurugenzi wa zamani wa Manispaa ya Temeke ndugu Nassib Mmbagga katikati akimkabidhi ofisi na kumkaribisha Mkurugenzi mpya wa Manispaa ya Temeke ndugu Lusubilo Mwakabibi mwenye suti.Kulia ni mstahiki Meya wa Manispaa ya Temeke Mh.Abdalla Chaurembo akishuhudia tukio hilo lililofanyika katika ofisi ya Mkurugenzi wa Manispaa ya Temeke.

Kamati ya ulinzi wa mtoto Temeke yapatiwa mafunzo ya uwezo wa ziada juu ...

Temeke yapata Katibu tawala mpya.

Waziri wa elimu aipongeza Temeke kwa ujenzi wa shule mpya kata ya Kilung...

Temeke mshindi wa kwanza maadhimisho ya Nanenane kanda ya Mashariki na Pwani.

Temeke yashika nafasi ya kwanza katika maadhimisho ya 25, ya maonesho ya wakulima, wavuvi na wafugaji maarufa kama Nanenane, yaliyoadhimishiwa mkoani Morogoro yakihusisha Kanda ya Mashariki na Pwani.

Huku nafasi ya pili ikishikwa na Kinondoni na yatatu ikienda kwa Ilala.

Aidha Temeke imekua ya pili kwa kanda nzima wakati nafasi ya kwanza imechuliwa na chuo kikuu cha Sua.

Akifunga maonesho hayo, Waziri wa Mifugo Mh: Luhanga Mpina amesema lengo la maadhimisho haya pamoja na kauli mbiu yake ni kuipa thamani sekta hii muhimu ya kilimo, Mifugo na Uvuvi ambayo ndio msingi pekee kuelekea kutekeleza sera ya uchumi wa Kati wa viwanda.

Maadhimisho hayo yaliyoenda kwa kauli mbiu isemayo “Wekeza katika kilimo, mifugo na uvuvi kwa Maendeleo ya viwanda” yakilenga kutekeleza sera ya Uchumi wa kati wa viwanda, kwa kanda ya mashariki, yameshirikisha Halmashauri za Mkoa wa Pwani, Dar es Salaam, Morogoro na Tanga.

Temeke ni moja ya Halmashauri ambayo inamuunga mkono Rais wa Jamuhuri ya Muungano wa Tanzania Mh: Dr John Pombe Magufuli katika sera ya Uchumi wa kati wa viwanda kwa vitendo.

Katika mashindano hayo Temeke ilionesha ubunifu wa tofauti kwa kuwashirikisha wajasiriamali kutoka TASAF na wamiliki wa kiwanda kidogo cha viatu ambao walikua kivutio kikubwa kwa namna walivyo zipa thamani bidhaa zao.

Hongera Mkurugenzi Mtendaji Mkuu Ndg: Nassib Mmbagga kwa juhudi zako katika kuthamini juhudi za kila idara.

Kweli Temeke ni mfano wa kuigwa.

Meya Temeke afurahishwa na ubunifu wa wajasiliamali Nanenane.

RAS DAR avutiwa na banda la Temeke maonesho ya Nanenane

Mkuu wa Wilaya ya Temeke Mh: Felix Lyaniva katika maonesho ya Nanenane M...

Yaliomo katika bustani ya Temeke Nanenane Morogoro

Temeke ya ng'aa Maonesho Nanenane

“Temeke mmejipanga sana, nimejifunza mengi na nimevutiwa na kila kitu nilichokikuta hapa. Hongereni kwa ubunifu” Godwin Sakaya. ni maneno ya mmoja wa wageni aliyehudhuria katika banda letu la Manispaa.

Ikiwa ni moja kati ya washiriki katika maonesho ya wakulima na wafugaji ya  mwaka 2018 katika mji wa Morogoro ambapo maonesho haya yanafanyikia hapa kwa Kanda ya Mashariki na Pwani. Kanda ambayo inajumuisha mikoa ya  Pwani, Dar es Salaam, Tanga na Morogoro.

Temeke kati ya Halmashauri 6 zilizopo katika jiji la Dar es Salaam imejipanga kuwapa wanachi huduma zilizo bora katika msimu huu wa nanenane. Chini ya uongozi makini wa mkurugenzi wake ndg:Nassibu Mmbagga Temeke imeweza kuiishi kauli mbiu ya Mh:Rais,na kuhakikisha tunawekeza katika kilimo, mifugo na uvuvi ili kuelekea katika uchumi wa viwanda. Hili limedhibitika wazi katika maonesho haya.

Moja ya huduma inayotolewa ni shamba darasa ambalo wataalamu wamekua wakitoa elimu kwa wananchi juu ya kilimo bora na namna ya kuandaa shamba lako. Darasa hili limekua msaada sana kwa wakulima wapya ambao wameonesha nia ya dhati katika kuwekeza katika kilimo.

Aidha madaktari bingwa wa kilimo wanatoa huduma ya zahanati ya afya ya mimea, ambayo inatibu mimea iliyo athirika na magonjwa mbalimbali.

Banda la temeke limezungukwa na vipando vingi ikiwemo mboga mbalimbali, kilimo cha viungo (spices) za chakula na dawa, madawa ya asili ya kuzuia wadudu na magonjwa mbalimbali shambani.

Pamoja na hayo kivutio kikubwa katika banda la temeke ni kiwanda cha kutengeneza viatu. Pindi ufikapo katika banda letu utapata fursa ya kujua namna viatu vinavyotengenezwa. Pia utapata kiatu cha aina yako na ukubwa unaotaka.

Kiwanda hiki kinatengeneza bidhaa zote zitokanazo na mifugo kwa kutumia ngozi halisi. Mfano viatu vya aina zote, mikanda na mikoba. Kiwanda hiki ni tafsri tosha kuwa Temeke sasa tumeamua kuwekeza katika Tanzania ya viwanda.

Kama ilivyo shauku ya Rais wa Jamuhuri ya Tanzania Mh: John Pombe Magufuli kuhakikisha kila mwananchi anapata fursa ya kujinyanyua kiuchumi hadi kufikia uchumi wa kati, katika kulitekeleza hilo kupitia mpango wa nchi katika kuwasaidia walengwa wa kaya maskini yaani TASAF Temeke imeweza kuwafundisha na kuwasimamia wajasiliamali kupitia mpango huo kwa fedha wanayoipokea kila baada ya miezi miwili. Ambayo wajasiliamali hao wameunda vikundi vya VICOBA ili kujisimamia katika matumizi ya fedha hizo.

Hivyo wajasiliamali hao wapo katika maonesho haya ili kuonesha ubunifu mbalimbali ambao wanaufanya kama usindikaji wa vyakula, mboga na matunda katika viwango vya hali ya juu, ubunifu wa kutumia mikono, na uchakataji wa samaki.

Hakika ukifika katika banda letu la temeke hutatoka bure, kuna mambo mengi mazuri yenye kuvutia.

Maonesho ya nanenane yanaendelea katika viwanja hivi vya Nanenane Morogoro mpaka kufikia kilele chake siku ya tarehe 8/8/2018.

 Kauli mbiu ya mwaka huu ni “wekeza katika kilimo, mifugo na uvuvi kwa maendeleo ya viwanda”.

Magazeti ya Leo

SOMA MAGAZETI YA LEO JUMAMOSI 04/08/2018


LINK:  www.temekemc.go.tz

Yaliomo ndani ya banda la Temeke Nanenae Morogoro.

Karibu uone maajabu banda la Temeke kwenye maonesho Nanenane Morogoro.

Tanzia

“Nimepokea kwa mshtuko mkubwa taarifa za kifo cha Mh:Kassid Seleman Likacha Diwani wa Viti maalum nimeshtuka sikutegemea wala kuwaza maneno aliyoniambia kuwa leo tarehe 27/07/2018 kuwa nisisafiri wala kutoka nje ya Jiji badala yake nikamchukue nimpeleke hospitali”.

Marehemu Mh; Kassid enzi za uhai wake.

Haya ni maneno aliyoyasema Mstahiki Meya wa Manispaa ya Temeke Mh. Abdallah Chaurembo kwa masikitiko makubwa wakati wa kutoa salamu za pole kwa wafiwa na kufanya umati wa waheshiwa Madiwani pamoja na wakuu wa idara kushindwa kujizuia na kutoa machozi wakati wa dua ya kumuombea marehemu ilipokuwa ikifanyika katika ukumbi wa mikutano wa Idd Nyundo katika Manispaa ya Temeke.

                                  Mwili wa Mh:Kassid ukiwa katika ukumbi wa Iddi Nyundo ili kuagwa. 

Akimuelezea marehemu, alibainisha kuwa alikuwa mtu wa watu anaetambua wajibu wake na kubwa zaidi ambalo litaacha pengo ni ile hali ya kuwa mpatanishi pindi panapoitajika ndani ya Chama cha Mapinduzi ama nje ya chama.

Mh:Kassid ni mtu wa watu hana makuu, ni mchapakazi anaejitambua na kutambua wajibu wake kwa serikali na kwa wananchi anaowahudumia.Nimeguswa sana na msiba huu kwakuwa siku chache zilizopita tulipatwa na msiba mwingine wa Diwani wa viti maalum katika Manispaa ya Kigamboni ambao ni majirani zetu kabisa.

      Pichani marehemu enzi za uhai wake akiwa katika kutekeleza majukumu yake.


Akisoma wosia wa marehemu,walibainisha kuwa marehemu Kassid akizaliwa tarehe 26/06/1969 na alibahatika kupata elimu ya Msingi na Sekondari pia alikuwa mjuzi katika fani ya biashara na ujasiriamali.

Pamoja na hayo katibu Tawala wa Wilaya ndug:Hashim Komba alisema Mh:Kassid ameacha pigo kubwa sana katika chama cha Mapinduzi na kamwe hawezi kutoka katika fikra kutokana na kujituma kwa wakati wote katika majukumu yake.

“Nina uchungu usio na kifani, kwani wiki chache za nyuma nilikwa nae katika majukumu ya kazi na tulipanga mikakati mingi ya kimaendeleo na kuahidi kulinda heshima ya Chama na kupiga hatua mbele zaidi ,kumbe Mungu anamipango mingi kuliko wanadamu, leo Kassid umelala hutaamka tena ila naahidi nitalinda na kutimiza mambo yote ya kazi tuliyokubaliana na kuyapanga” alisema Komba.

Marehemu alikuwa Diwani wa viti maalum kwa tiketi ya Chama Cha Mapinduzi tangu mwezi Oktoba 2015 hadi mauti ilipomfika tarehe 26/07/2018 katika Hospitali ya Temeke alipokuwa akipatiwa matibabu.

Tanzia

Mkurugenzi wa Halmashauri ya Manispaa ya Temeke anasikitika kutangaza kifo cha aliyekua  Mkurugenzi wa Manispaa ya Temeke kuanzia mwaka 2013 hadi 2016 kilichotokea tarehe 25/07/2018 Ndg: Photidas Kagimbo.
Kilichotekea katika hospitali ya taifa muhimbili.

"Bwana ametoa na Bwana ametwaa jina lake lihimidiwe. Amen"

Temeke mpya kufikia 2020.

Tanzia

DC Temeke ahamasisha wananchi kuwa na vitambulisho vya Taifa

Mkuu wa Wilaya ya Temeke Mhe:Felix Lyaniva akutana na wananchi wenye uhitaji wa kitambulisho cha Taifa na kuwahimiza umuhimu wa kuhakikisha wanasajiliwa ili kupatiwa huduma hiyo.

Akizungumza na wananchi hao katika ofisi za NIDA kanda ya Temeke,Mhe:Lyaniva aliwashauri wananchi hao kuhakikisha wanajisajili ili kupatiwa huduma hiyo ambayo itawawezesha kutambulika kisheria.

“NIDA inatoa huduma ya kitambulisho kwa mwananchi yoyote ilimradi awe ametimiza taratibu zote za viambata vinavyotakiwa”alisema.

 Mhe:Lyaniva alisema anatambua changamoto ya rasilimali watu inayowakabili katika kupatiwa huduma hiyo na kuahidi kulifanyia kazi kwa wakati ili kuokoa muda na kuhakikisha kila mwananchi wa Manispaa ya Temeke anapatiwa kitambuisho hicho.

Pamoja na hayo aliwataka watumishi wa NIDA kuwa waadilifu na waaminifu katika kutimiza majukumu yao ya kila siku.

Nae mratibu wa NIDA kanda ya Temeke ndug:Paul Marwa alisema ili kupatiwa kitambuisho cha taifa inapaswa kuambatanisha na viambata vitatu kati ya vifuatavyo,cheti cha kuzaliwa, cheti cha elimu ya msingi, pasiya kusafiria, cheti cha elimu ya sekondari,leseni ya udereva, kadi ya bima ya afya, kadi ya mpiga kura,pamoja na nambari ya mlipa kodi (Tin namba).

Temeke yazidi kung'aa ujenzi wa vituo vya afya

Temeke ni miongoni mwa Halmashauri za Dar es Salaam ambayo inatekeleza miradi ya ukarabati na ujenzi wa vituo vya afya  kwa kutumia force account. Mradi huo wenye malengo ya kuboresha huduma ya afya mama na mtoto ili kupunguza vifo.

Timu kutoka OR TAMISEMI na Mkoa ilifanya ukaguzi wa ujenzi wa miradi hiyo ili kujiridhisha na ubora wa ujenzi huo.

Kutoka TAMISEMI timu ili ongozwa  na katibu wa afya OR TAMISEMI Ndg:Deogratius Maufi, ilifanya ukaguzi kituo cha afya Yombo vituka na Zahanati ya Majimatitu ambapo iliridhishwa na kasi inayoendelea katika ujenzi wa majengo hayo kulingana na muda uliopangwa. Pamoja na ukaguzi wa matumizi sahihi ya pea za miradi hiyo.Vilevile ilitoa mapendekezo juu ya ukamilishwa wa ujenzi huo.

''ujenzi unaridhisha,pia inaendana na muda ambao ulipangwa kumalizika.Ambapo  awali ilikua yakamilike may 31,lakini kufikia mwezi wa saba tunaamini yatakua yanatumiwa kwaajili ya utoaji huduma. kwani Serikali imeshaanza kutoa vifaa vitavyohitajika katika upanuzi wa vituo hivyo vya afya ikiwemo watumishi na vifaa tiba ili kufikia hatua za mwisho za ukamilikaji''. Alisema Maufi.

Hata hivyo Maufi aliongeza kuendelea kuboresha mapungufu machache yanayorekebishika ili mradi kufikia mwisho.

Manispaa ya temeke ilipokea jumla ya fedha 800,000,000/= toka Ofisi ya Rais-TAMISEMI kwa ajili ya ukarabati wa kituo cha Afya Yombo Vituka pamoja na Zahanati ya Majimatitu ili viweze kutoa huduma bora kwa wananchi hususani huduma za upasuaji wa dharura kwa mama wajawazito  walioshindwa kujifungua kwa njia ya kawaida ili kupunguza vifo vya mama wajawazito pamoja na watoto wachanga.

Ujenzi wa vituo vya afya Yombo Vituka na Majimatitu unajumuisha jengo la upasuaji, wodi ya akina mama na mtoto pamoja na nyumba ya mtumishi.

Vituo hivyo vyote vimefikia hatua nzuri ili kuweza kukamilika kwake.

Temeke kuzidi kung'aa kupitia miradi ya DMDP

Wananchi Temeke wahimizwa kupanda Miti ya Matunda

Wilaya ya Temeke yafanya uzinduzi wa maadhimisho ya wiki ya Mazingira Duniani kiwilaya.

Akizungumza na wanachi katika sherehe hizo Mkuu wa Wilaya ya Temeke Mh:Felix Lyaniva alisema “Jiji letu limepwa heshima kubwa ya kuwa mwenyeji wa sherehe za kilele kitaifa, na kwa ngazi ya kiwilaya tumeanza leo kwa kupanda miti na kufanya usafi katika maeneo yote ya Hospitali.Hii ni kutokana na changamoto kubwa ya mazingira inayojitokeza mara kwa mara”.

Alisema maadhimisho haya yatafanyika Mkoa wa Dar es Salaam katika viwanja vya Mnazi Mmoja na kauli mbiu “Mkaa ni gharama, Tumia nishati mbadala”Alisisitiza.

Aliongeza kuwa maadhimisho hayo yatatanguliwa na shughuli mbalimbali za uhamasishaji juu ya utunzaji na uhifadhi wa mazingira.

Miongini mwa shughuli hizo ni makongamano yatakayohusisha wadau mbalimbali wa mazingira,maonesho ya shughuli za mazingira,upandaji miti na kampeni za usafi katika maeneo mbalimbali.

 Lyaniva alisisitiza kuwa shughuli hizi zitafanyika kwa wiki nzima kuanzia tarehe 31 Juni mpaka tarehe 5 Juni ambapo itakuwa siku ya kilele.

Vile vile alibainisha kuwa ukataji wa miti kwa matumizi mbalimbali ikiwemo nishati huleta athari za kimazingira,kama vile ongezeko la hewa ya ukaa na joto duniani,kuyeyuka kwa barafu katika vilele vya milima,kuongeeka kwa kina cha habari,ukame na mafuriko.

Aidha ili kutekeleza jitihada za kupunguza matumizi ya nishati itokanayo na miti Mkoa wa Dar es Salaam,kupitia mpango wake wa kukabiliana na mabadiliko ya tabia nchi umefanikiwa kujenga ukuta ili kuzuia mmomonyoko katika kinga ya bahari ya Hindi.

Pamoja na utumiaji wa majiko banifu badala ya mkaa.Lengo kuu likiwa kuhifadhi misitu tuliyonayo nchini.

Wilaya ya Temeke imekuwa ikitekeleza tamko la Mh.Rais John Pombe Magufuli la “usafi kwanza” la tarehe 9 Disemba 2015.

Pamoja na juhudi zinazofanywa,Wilaya ya Temeke imeamua kuweka mazingira safi na yenye kuvutia kwa kupanda miti kupitia kauli mbiu ya “Mti wangu”.

Aidha Wilaya ya Temeke imekuwa na utaratibu wa kufanya usafi kwa kila mwisho wa wiki (Jumamosi) na Jumamosi ya mwisho wa mwezi.

Zaidi ya wakandarasi 100 wanufaika.

Zaidi ya wakandarasi 100 wanufaika na semina ya bure toka National Microfinance Bank (NMB) ya namna ya kushinda zambuni mbalimbali zinazotangazwa hapa nchini.

Akizungumza na wakandarasi  hao katika ukumbi wa Idd Nyundo, Mkurugenzi wa Manispaa ya Temeke Ndugu Nassib Mmbaga aliwataka wakandarasi hao kutumia nafasi hiyo kuhakikisha wanatumia fursa ilioyotolewa na kujipatia mikopo ili kuweza kuwa na ushindani pindi fursa zinapotangazwa tenda mbalimbali zinatangazwa wasisite kuomba kwani hiyo ni fursa pekee ya kujitokeza na kuonyesha uwezo katika kazi na kampuni husika.

Nae Meneja wa kanda Ndugu Badru Idd aliwatoa hofu wakandarasi hao na kuwataka wasisite kujitokeza kuomba mikopo na ushauri toka NMB, ili kuweza kuibuka vinara katika soko la ushindani pindi zitangazwapo zabuni mbalimbali.

''NMB ni benki ya kizalendo hivyo msisite kutuona na tufanye mazungumzo ya namna bora ya kusaidiana na kujikwamua kimaisha, mikopo yetu ni rahisi na yenye riba nafuu kwa mwananchi yoyote aliedhamiria kujikomboa. Pia tuna matawi mengi karibu kila mahali hapa Dar es salaam hivyo tumekufikia popote ulipo'' Alisisitiza.

Vile vile alibainisha kwamba ukiwa na NMB unaweza kupata mikopo na huduma zozote za kielektroniki pamoja na mikopo mbalimbali, pia alielezea uwepo wa akaunti mbalimbali za biashara mfano World Wide akaunti, Business Saving akaunti, Fanikiwa akaunti na NMB connect akaunti ambapo zote hizi ni maalumu kwa wafanyabiashara.

Semina hiyo ya siku moja ilifanyika ikiwa na lengo madhubuti la kuwasaidia wakandarasi na kuwatoa hofu ya kuomba mikopo NMB, ili kuwawezesha kushika tenda zinazotangazwa hapa nchini hususani zilizopo ndani ya Manispaa ya Temeke.

Temeke kuboresha huduma za Afya 11/05/2018

Wazee wanufaika na vitambulisho vya Afya

Zaidi ya wazee  7,005 wenye umri wa miaka 60 nakuendelea wanufaika na vitambulisho vya matibabu bure katika kata 23 za Manispaa ya Temeke.

Akizindua vitambulisho hivyo Mstahiki Meya Mh.Abdallh Chaurembo aliwataka wazee hao kuvitunza vitambulisho vyao ili pindi watakapohitaji huduma za matibabu iwe rahisi kuhudumiwa kwa kuwa wanatambulika rasmi, pia alisisitiza matumizi ya vitambulisho hivyo ni ndani ya Manispaa ya Temeke tu.

''Serikali yetu inawajali sana wazee na kwa kuliona hilo imeamua kutengeneza vitambulisho vya matibabu ya afya ili kuhakikisha mnapata huduma hizo kwa urahisi na kwa kupewa vipaombele,hivyo basi mvitunze na kuhakikisha mnavibeba kila mnapoenda kupata matibabu'' alisisitiza.

Nae Mganga Mkuu wa Manispaa ya Temeke Dr Gwamaka akielezea zoezi hili alisema ''utambuzi wa wazee ulianza tangu tarehe 27/09/2017 na kufanikiwa kutambua wazee 10,879 katika kata 23 za Manispaa ambapo wanawake waliotambuliwa ni 5220 na wanaume 5659''.

Vilevile alibainisha tiba kwa kadi(TIKA) itaanza muda si mrefu ambayo mlengwa atapata matibabu ndani ya mkoa  husika na kwa kila kaya ni 150,000/= na kwa mtu mmoja ni 40,000/=tu.

Mpango wa utengenezaji  wa vitambulisho vya wazee unaratibiwa chini ya Wizara ya Afya Maendeleo ya Jamii Jinsia Wazee na Watoto kwa kuhakikisha inawapa vipaombele vya matibabu, kata zilizonufaika na zoezi hili ni kata ya Mtoni 564, Tandika 703, Azimio 583,Buza 624, Miburani 411, Keko 355, Tandika 703, Azimio 583, Temeke Hospital  451, Yombo vituka  668, Chang'ombe 490, Temeke 575 na Mbagala 674, Vyote vipo ndani ya Manispaa ya Temeke.

Wataalamu wa afya waendelea kupata mafunzo juu ya mfumo wa CHF

Pichani mafunzo ya watendaji ngazi ya Halmashauri wakitoa mafunzo ya  DHFF, FFARS, CHF iliyoboreshwa na mfumo wa JAZIA(PVS) kwa waganga wafawidhi,wahasibu,makatibu ,phamasia  na wenyeviti wa bodi na wajumbe wake kutoka zahanati zote za Halmashauri ya Manispaa ya Temeke.

Mafunzo haya ni mwendelezo wa mafunzo yaliyofanyika kwa wataalamu wa afya katika ngazi ya Manispaa ambayo yalidumu kwa siku tatu na kuzinduliwa na  Katibu Tawala Mkoa Bib. Theresia Mmbando.

Mafunzo hayo yenye lengo la uelewa mpana wa maana ya ugatuaji wa mipango ya Afya na bajeti kwa utaratibu wa kupeleka fedha moja kwa moja kwenye vituo vya kutolea huduma(DHFF) yenye matarajio ya kupunguza urasimu na kuboresha utoaji wa huduma za afya kwa uandaaji wa mipango, bajeti na matumizi yanayolenga kuboresha huduma za Afya.

Manispaa ya Temeke kwa kushirikiana na Wizara ya afya pamoja na wadau wengine wa elimu wameamua kuboresha utoaji wa huduma za afya.

Kila la Kheri Kidato cha Sita

Baraza la Madiwani na Mkurugenzi Mtendaji wa Halmashauri ya Manispaa ya Temeke wanawatakia mitihani mema kwa watahiniwa wote wa kidato cha sita katika mitihani yao iliyoanza leo tarehe 07/05/2018.

Jumla ya watahiniwa 2230 watafanya mitihani ya kidato cha sita katika wilaya ya Temeke. Ambapo 1840 ni watahiniwa wa shule na 390 ni watahiniwa wa kujitegemea.

Mitihani itasambazwa katika shule 15 na vituo 2 . Mitihani hiyo ya kidato cha sita inatarajiwa kamalizika tarehe 16/05/2018.  

UFUNGUZI WA MAFUNZO YA WAKUFUNZI KATIKA NGAZI YA WILAYA ITAKAYOLENGA MASUALA YA DHFF, FFARS, CHF ILIYOBORESHWA NA MFUMO WA JAZIA(PVS)

Serikali kupitia Wizara ya Afya Maendeleo ya Jamii Jinsia Wazee na Watoto imefanya ufunguzi wa mafunzo ya mifumo ya afya iliyoboreshwa.Mafunzo haya yalianzia ngazi ya kitaifa,Mkoa na sasa ni ngazi ya Wilaya na baada ya mafunzo haya taaluma hii itapelekwa ngazi ya vituo vya afya.

Akifungua uzinduzi huo Katibu Tawala wa Mkoa Bibi. Theresia Mmbando aliwapongeza Wizara ya Afya kwa kuandaa mafunzo yenye tija katika sekta ya Afya. kwani mafunzo haya yatasaidia kupunguza urasimu na kuboresha huduma za afya.

Mmbando alisema '' lengo mahususi la mafunzo hayo kuwa ni uelewa mpana wa maana ya ugatuaji wa mipango ya Afya na bajeti kwa utaratibu wa kupeleka fedha moja kwa moja kwenye vituo vya kutolea huduma(DHFF) yenye matarajio ya kupunguza urasimu na kuboresha utoaji wa huduma za afya kwa uandaaji wa mipango, bajeti na matumizi yanayolenga kuboresha huduma za Afya''.

Alifafanua zaidi mafunzo hayo yamedhamiria kuwajengea uwezo watendaji wa ngazi ya mamlaka za Serikali za mitaa. watendaji wa ngazi ya jamii, ambapo watendaji hao watakuwa wawekezaji katika vituo vya kutolea huduma za Afya. Lengo kuu ni kutekeleza hatua za kuboresha huduma za afya kupitia utaratibu wa kupeleka fedha moja kwa moja kwenye vituo , utekelezaji wa CHF iliyoboreshwa pamoja na mfumo wa wa kutumia MSHITIRI/JAZIA (Prime Vendor-PVS).

Maboresho haya yatasaidia  manunuzi ya dawa , vifaa, vifaa tiba na vitendanishi pale vinapokosekana kutoka  Bohari  kuu ya dawa(MSD).

Aliwashukuru pia wadau wa maendeleo kwa kukubali kuendesha semina katika ngazi za Halmashauri ,Vituo vya kutolea huduma pamoja na ngazi ya jamii.

Akizungumza na washiriki  katika semina hiyo Dr. Mariam Ongara toka Wizara ya Afya amesema kumekuwa na changamoto mbalimbali katika uendeshaji na utoaji wa huduma katika maeneo mengi nchini hivyo kuifanya serikali kuchukua hatua na kufanya mabadiliko ya kimfumo na kiuendeshaji ili kukabiliana na changamoto hizo.

Vilevile alizungumzia mkutano wa mwaka wa mapitio ya sekta ya Afya uliofanyika Dec 7,2016 iliamua kuanzisha utaratibu wa kupeleka fedha moja kwa moja kwenye vituo vya kutolea huduma za afya ili kuzipa nguvu zaidi kamati za usimamizi wa huduma za afya(HFGC) katika kupanga na kusimamia huduma za afya katika ngazi ya jamii.

Utekelezaji wa mkakati huu unalenga kugatua madaraka ya uendeshaji wa huduma za afya katika ngazi za vituo ili kupunguza urasimu na kuboresha utoji wa huduma za afya. Katika kukabiliana na changamoto hizo serikali kwa kushirikiana na wadau imeamua kutekeleza mfumo wa CHF iliyoboreshwa ambao umekuwa ukitekelezwa katika mikoa mitatu ya Dodoma Morogoro na Shinyanga ndani ya miaka mitano chini ya mradi wa Tuimarishe Afya (HPSS)kwa mafanikio.

Mafunzo hayo yanafanyika kwa siku tatu katika ukumbi wa Iddi Nyundo  Manispaa ya Temeke. watendaji zaidi ya 50 watapata mafunzo kutoka kwa wadau wa mfuko wa Afya wa pamoja(Health Basket Fund), HPSS, PS3, Global Supply Chain Program, Boresha Afya Deloitte, World Vision,EGPAF, Jhpiego, GIZ,AGPAHI na Pharmacies.

TEMEKE KUTOA CHANJO YA KUZUIA SARATANI YA SHINGO YA KIZAZI KWA WASICHANA 6,721

Mkuu wa Wilaya ya Temeke Mh. Felix Lyaniva afanya uzinduzi utoaji wa chanjo ya kuzuia saratani ya mlango wa kizazi katika shule ya sekondari Charambe ambapo zaidi ya watoto 40 wamechanjwa.

Chanjo hii itachanjwa kwa watoto wenye umri wa miaka 14 kwa awamu ya kwanza, ambapo mpango wa kuwachanja mabinti wote wa kuanzia umri wa 9-14 itafanyika kwa mwaka 2019.

Uzinduzi huo uliudhuriwa na wadau mbalimbali akiwemo diwani wa kata ya Mianzini Mh:Abdallah Kipende,wataalam kutoka Wizara ya Afya,wataalam wa Afya kutoka Manispaa,kamati ya ulinzi na usalama ya Wilaya ya Temeke pamoja na viongozi wa dini.

Lyaniva alitoa shukrani zake kwa Rais wa Jamuhuri ya Muungano wa Tanzania kwa juhudi zake za kuleta mabadiliko katika sekta ya afya hususani afya za akina mama.Alisema '' serikali imetumia gharama kubwa kutoa chanjo hii hivyo wazazi,walezi na jamii nzima tuhakikishe wasichana wenye umri wa miaka 14 wanapata chanjo kwa awamu zote mbili bila kukosa''.

Lyaniva aliongeza chanjo hii itapunguza wimbi la maambukizi ya saratani ya shingo ya kizazi katika taifa letu hivyo wazazi msipuuze.

Akitoa somo kwa wanafunzi hao juu ya saratani,mwakilishi kutoka Wizara ya afya Bi. Zuhra Mkwizu aliwataka wanafunzi wasiwe na hofu kwani chanjo hiyo ni salama na haina madhara kabisa.

Alisisitiza kwamba Chanjo hii imethibitishwa kitaifa na  kimataifa na  imethibitishwa na shirika la afya Duniani (WHO).

"Chanjo hii ni salama na haina madhara kabisa hivyo kuwataka baada ya miezi sita kurudia chanjo ya pili ili kukamilisha dozi kamili"

Nao viongozi wa dini walipata wasaa wa kuwausia watoto hao, namna ya kujilinda na kujichunga dhidi ya maambukizi ya saratani ya mlango wa kizazi kwa kuepuka ngono zembe,kuacha tamaa.Huku wakitolea mifano katika vitabu vitakatifu jinsi vinavyokataza kuacha anasa na dhambi.

Chanjo hii ilizinduliwa na Makamu wa Rais kitaifa katika viwanja vya Mbaragala Rangi tatu na kwa sasa inaendelea kutolewa katika maeneo mbalimbali nchini.

Katika Wilaya  ya Temeke chanjo hii itatolewa katika vituo 274,ambapo vituo 197 ni mashuleni na vituo 77 ni katika vituo vya afya.Takribani wasichana 6,721 wanatarajiwa kupata chanjo ya saratani ya shingo ya kizazi.Ambao itajumuisha idadi ya wale waliopo mashuleni na nyumbani.

HAPPY MUUNGANO 2018

Mkuu wa wilaya Temeke ahimza wakandarasi kufanya kazi kwa wakati.

TIMU YA UKAGUZI YAKAGUA SHULE YA SEKONDARI KURASINI

Timu ya ukaguzi ya athari zitokanazo na mvua toka Halmashauri ya Manispaa Temeke imetembelea shule ya Sekondari Kurasini iliyozungukwa na maji kufatia mvua zinazoendelea kunyesha.

Timu hiyo ikiongozwa na Afisa Elimu Sekondari Ndg:Donald Chavila ilipokelewa na uongozi wa shule imejionea maji yaliyotuama katika shule hiyo nakukosa mwelekeo baada ya mvua kubwa kunyesha tangu siku ya Jumamosi.

Baada ya ukaguzi wa shule timu ilikubaliana kuchua hatua za awali za utoaji maji ili masomo yaendelee.Hatua za haraka ambazo zimechukuliwa ni pamoja na kumwaga dawa yakuzuia magonjwa ya mlipuko.Kuzibua na kuongeza kina cha maji katika mtaro wa awali.Hata hivyo Halmashauri ya Manispaa ya Temeke imepanga kuboresha mtaro huo kwa kuujenga kwa zege.

Katika hatua nyingine Mkuu wa shule ya Sekondari Kurasini Mwl; Florentina Asanga aliweka wazi tatizo hilo kujirudia kila msimu wa mvua ufikapo.Hivyo ameupongeza uongozi mzima wa Halmashauri kupitia Mkurugenzi mtendaji Ndg:Nassibu Mmbaga kwa kuonesha nia ya kutokomeza tatizo hilo katika shule yake.